Օգտակար հղումներ

Տեղեկատվություն միասնական հաշվետվողական ստանդարտի մասին

Միասնական հաշվետվողական ստանդարտը (CRS) (այսուհետ՝ Ստանդարտ) մշակվել է Տնտեսական համագործակցության և զարգացման կազմակերպության (ՏՀԶԿ) կողմից՝ հարկային թափանցիկությունը խրախուսելու և հարկային պատասխանատվությունից խուսափելու դեմ պայքարելու համար։ Ըստ Ստանդարտի՝ վերջինս ներդրած երկրների հարկային մարմինները պարտավորվում են տարեկան մեկ անգամ տեղեկատվություն փոխանակել ֆինանսական հաստատություններում ոչ ռեզիդենտների ֆինանսական հաշիվների վերաբերյալ։
Այդ նպատակով ֆինանսական հաստատությունները պարտավոր են տեղական հարկային մարմիններին փոխանցել հաճախորդների հարկային ռեզիդենտության, հաշիվների մնացորդի վերաբերյալ և Ստանդարտով սահմանված այլ տեղեկատվություն։

Հայաստանի Հանրապետությունը, լինելով ՏՀԶԿ անդամ, միացել է Ստանդարտին համաձայն https://www.arlis.am/hy/acts/208892 Հարկային օրենսգրքի գլուխ 80.2-ի, ինչպես նաև Ստանդարտի իրավական հիմք հանդիսացող միջազգային պայմանագրերին, մասնավորապես՝ «Հարկային հարցերով փոխադարձ վարչական աջակցության մասին» կոնվենցիային, ինչպես նաև «Ֆինանսական հաշիվների վերաբերյալ տեղեկությունների ավտոմատ փոխանակման մասին» իրավասու մարմինների միջև բազմակողմ համաձայնագրին https://www.src.am/am/getMenusContents/257, որով սահմանվում է նաև համաձայնագրին միացած այն երկրների ցանկը, որոնց հետ Հայաստանը պետք է իրականացնի նման փոխանակում։

Հարկային օրենսգրքում տեղի ունեցած փոփոխությունների համաձայն՝ «Ֆասթ Բանկ» ՓԲԸ-ն (այսուհետ՝ Բանկ), կրում է Ստանդարտով սահմանված տեղեկատվությունը հավաքագրելու և ՊԵԿ-ին փոխանցելու պարտավորություն։
Հաճախորդը պարտավորվում է Բանկին տրամադրել հուսալի և արժանահավատ տեղեկատվություն իր հարկային ռեզիդենտության մասին, ինչպես նաև ցանկացած հարկային կարգավիճակի փոփոխության մասին հայտնել Բանկին։

! Ֆասթ Բանկը պատասխանատվություն չի կրում իր կայքից հղում կատարված ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև այդ կայքերում տեղադրված տեղեկատվության օգտագործման հնարավոր հետևանքների համար: