Հայտարարություններ

Ֆասթ Բանկը 2026 թվականի մարտի 23-ից մինչև հուլիսի 31-ն ընկած ժամանակահատվածում հրապարակային առաջարկի միջոցով իրականացնելու է անվանական արժեկտրոնային պարտատոմսերի թողարկում:

Պարտատոմսերը տեղաբաշխվում են հետևյալ հիմնական պայմաններով.

•    Տեղաբաշխման ծավալը՝ 12,000,000,000 (տասներկու միլիարդ) ՀՀ դրամ
•    Տեղաբաշխվող արժեթղթերի քանակը՝ 120,000 (մեկ հարյուր քսան հազար) հատ
•    Անվանական արժեք՝ 100,000 (մեկ հարյուր հազար) ՀՀ դրամ
•    Եկամտաբերություն՝ 10․50% (տասն ամբողջ հիսուն հարյուրերորդական)
•    Վճարման պարբերականություն՝ կիսամյակային
•    Շրջանառության ժամկետ՝ 24 ամիս

Պարտատոմսերը հնարավոր է լինելու ձեռք բերել ինչպես Բանկի ցանկացած մասնաճյուղից, այնպես էլ հեռավար եղանակով՝ Fast Bank Mobile հավելվածի կամ առցանց բանկինգի միջոցով։

ՀՀ ԿԲ նախագահի 2026 թվականի հունվարի 29-ի թիվ 1/44Ա որոշմամբ գրանցվել է պարտատոմսերի Ծրագրային ազդագիրը։

Ծրագրային ազդագրի, Ազդագրի լրացման և Թողարկման վերջնական պայմանների էլեկտրոնային տարբերակը կարելի է բեռնել հետևյալ հղումով, իսկ թղթային տարբերակները` այցելելով Ֆասթ Բանկի գլխամասային գրասենյակ կամ Բանկի ցանկացած մասնաճյուղ։

Հավելենք նաև, որ ՀՀ հարկային օրենսգրքով նախատեսված արտոնության համաձայն՝ տվյալ պարտատոմսերից ստացվող եկամուտն ազատված է եկամտային հարկից մինչև 2027 թվականի դեկտեմբերի 31-ը ներառյալ։ 

Պարտատոմսերի փաստացի ձեռքբերումն իրականացվում է Ներդրողի կողմից Հայտում նշված ծավալով Պարտատոմսեր ձեռք բերելու համար անհրաժեշտ դրամական միջոցները Բանկում այդ նպատակով բացված ՀՀ դրամային` 2620018773781001 հաշիվին փոխանցելու միջոցով․ 

Եթե Ներդրողի կողմից համապատասխան դրամական միջոցներն ամբողջությամբ մուտքագրվել են վերոնշյալ տարանցիկ հաշվին մինչև տվյալ աշխատանքային օրվա ժամը 16:00-ն, ապա այդ դրամական միջոցները մուտքագրված կհամարվեն տվյալ աշխատանքային օրը, իսկ եթե համապատասխան ամբողջական գումարները մուտքագրվել են տվյալ աշխատանքային օրվա ժամը 16:00-ից հետո, ապա դրանք մուտքագրված կհամարվեն մուտքագրմանը հաջորդող առաջին աշխատանքային օրը և համապատասխան պարտատոմսերի տեղաբաշխման գինը կորոշվի այդ օրվա հաշվարկով:

Լրացուցիչ տեղեկությունների կամ հարցերի դեպքում կարող եք զանգահարել «Ֆասթ Բանկ» ՓԲԸ՝ հետևյալ հեռախոսահամարներով. (+37410) 510 020 կամ (+37410) 510 000: