Հաճախորդի իրավունքներ

Ֆասթ Բանկի հաճախորդն իրավունք ունի ստանալ «Ֆասթ Բանկ» ՓԲԸ-ի վերաբերյալ «Բանկերի և բանկային գործունեության մասին» ՀՀ օրենքի 20-րդ հոդվածի 3-րդ մասով, 43-րդ հոդվածի 2-րդ մասով սահմանված և «Արժեթղթերի շուկայի մասին» ՀՀ օրենքի 16-րդ, 120-րդ հոդվածներով, 126-րդ հոդվածի 1-ին մասով սահմանված տեղեկության պատճենները: Սույն տեղեկությունների տրամադրման համար որևէ սակագին չի սահմանվում:

Վերոնշյալ տեղեկությունները բանկը տրամադրում է ցանկացած անձի գրավոր դիմումը ստանալուց 3 (երեք) աշխատանքային օրվա ընթացքում (եթե դիմումի մեջ այլ ժամկետ նշված չէ)։

Տեղեկությունը տրամադրվում է դիմումի մեջ նշված եղանակով, իսկ դրա բացակայության դեպքում` այն եղանակով, որով ուղարկվել է դիմումը:
Հաճախորդին տրամադրվող տպագիր տեղեկության համար գանձվող սակագինը սահմանվում է բանկի ոչ ֆինանսական ծառայությունների սակագներով։

Գրավոր դիմումը կարող է ներկայացվել հետևյալ ձևերով՝

Առձեռն Բանկի Գլխամասային գրասենյակում կամ Բանկի ցանկացած մասնաճյուղում

Փոստով 0047, Հայաստանի Հանրապետություն, ք. Երևան, Նորք- Մարաշ, Գ. Հովսեփյան 32/6

Էլ. նամակ ուղարկելով [email protected]

«Ֆասթ Բանկ» ՓԲԸ-ի կողմից իր հաճախորդների բողոքների, բողոք-պահանջների ընդունման/ստացման և վերջիններիս արձագանքման գործընթացը սահմանվում է «Հաճախորդների բողոքների կառավարման ընթացակարգ»-ով:

Ֆիզիկական անձ հանդիսացող հաճախորդների կողմից բողոք-պահանջի ներկայացման հայտ

Իրավաբանական անձ/Անհատ ձեռնարկատեր հաճախորդի կողմից բողոք-պահանջի ներկայացման հայտ

What to do if you have an appeal

Հայտարարություն

Ֆինանսական համակարգի հաշտարարի մասին» ՀՀ օրենքի համաձայն՝ ֆիզիկական անձը բողոք-պահանջի պատասխանով բավարարված չլինելու դեպքում իրավունք ունի դիմելու Ֆինանսական համակարգի հաշտարարին, ինչպես նաև պաշտպանել իր իրավունքները դատական կարգով, դիմելու Կենտրոնական բանկ կամ արբիտրաժային տրիբունալ, եթե առկա է արբիտրաժային համաձայնություն:
«Ֆինանսական համակարգի հաշտարարի մասին» ՀՀ օրենքի համաձայն՝ անհատ ձեռնարկատերը և/կամ իրավաբանական անձը բողոք-պահանջի պատասխանով բավարարված չլինելու դեպքում իրավունք ունի դիմելու Ֆինանսական համակարգի հաշտարարին, եթե դիմելու պահին Հայաստանի Հանրապետության հարկային օրենսգրքի համաձայն համարվում է միկրոձեռնարկատիրության սուբյեկտ (բացառությամբ «Ֆինանսական համակարգի հաշտարարի մասին» ՀՀ օրենքով նախատեսված Կազմակերպությունների), ինչպես նաև պաշտպանելու իր իրավունքները դատական կարգով, դիմելու Կենտրոնական բանկ կամ արբիտրաժային տրիբունալ, եթե առկա է արբիտրաժային համաձայնություն:
«Ֆասթ Բանկ» ՓԲԸ-ն կնքել է համաձայնագիր Ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ, որը տարածվում է միայն այն բողոք-պահանջների վրա, որոնց գույքային պահանջի չափը չի գերազանցում 250.000 ՀՀ դրամ կամ դրան համարժեք արտարժույթը և գործարքի գումարի չափը չի գերազանցում 500.000 ՀՀ դրամը կամ համարժեք արտարժույթը: