Ֆասթ Բանկի քարտապանները կօգտվեն Google Pay-ից

Ֆասթ Բանկի քարտապաններն այսուհետ կարող են օգտվել Google Pay անհպում վճարման ծառայությունից։

Google Pay վճարային համակարգը հնարավորություն է տալիս քարտապաններին իրենց ֆիզիկական քարտերը վերածել թվայինի եւ Android հեռախոսների, WearOS-ի (Սմարթ ժամացույցներ) միջոցով անհպում ֆինանսական գործարքներ իրականացնել ոչ միայն առեւտրի եւ սպասարկման կետերում, այլեւ՝ համացանցում եւ հավելվածներում։

Ֆասթ Բանկի քարտապանները կարող են ներբեռնել Google Wallet հավելվածը, գրանցվել, ապա թվայնացնել իրենց բանկային քարտը, մեկ հպումով ակտիվացնել Google Pay-ը եւ կատարել վճարումներ բիոմետրիկ նույնականացմամբ, որն ավելի ապահով ու անվտանգ է, քան PIN կոդի գործարկումը։ Հավելվածում հնարավորություն կա կցել նաեւ հավատարմության քարտեր, ինքնաթիռի նստեցման կտրոններ եւ միջոցառումների տոմսեր։

Google Wallet-ի փոխնախագահ եւ գլխավոր տնօրեն Ջենի Չենգի խոսքով՝ Google Pay-ով վճարումներ կատարելն ավելի անվտանգ է դարձնում քարտապանների ֆինանսական տվյալները․ «Ուրախ ենք, որ Google Wallet-ի հնարավորությունները հասանելի են դառնում ավելի շատ մարդկանց։ Google Wallet-ը մի քայլ առաջ է՝ տվյալների արտահոսքի, ինֆորմացիայի պահպանման եւ անվտանգության առումով»:

Google Pay-ն աշխատում է անվտանգության մի քանի մակարդակի կիրառման միջոցով եւ ներառում է ոլորտի չափանիշներին համապատասխանող թոքենիզացիա՝ գործարքները կատարվում են թվայնացված քարտի համարով (token-ով): Թոքենների անվտանգության դինամիկ կոդը փոխվում է յուրաքանչյուր գործարքի հետ՝ լրացուցիչ ապահովություն ստեղծելով քարտապանների համար։ Ի հավելումն սրան, եթե օգտատիրոջ բջջային հեռախոսը երբեւէ կորի կամ հափշտակվի, նա կարող է օգտվել «Գտնել իմ սարքը» հնարավորությունից, որը թույլ է տալիս ցանկացած վայրից անմիջապես արգելափակել սարքը, նոր գաղտնաբառ գործարկել կամ հեռացնել անձնական տվյալները, ըստ օգտատիրոջ հայեցողության։

Ֆասթ Բանկի թողարկած ԱկնՔարտերը Google Wallet-ին կցելու համար անհրաժեշտ է ներբեռնել հավելվածը։

Ֆասթ Բանկը թվային բանկ դառնալուն միտված ընկերություն է, որը 24/7 աշխատանքային գրաֆիկով ներկայացված է Հայաստանի բոլոր մարզերում, գործում է նաեւ բանկի հավելվածը։ Ֆասթ բրենդն այս տարի տոնել է ստեղծման 30-ամյակը:

Ֆասթ Բանկը վերահսկվում է ՀՀ ԿԲ կողմից։

11.11.2024

0047, ՀՀ, ք. Երևան, Նորք-Մարաշ,

Գ.Հովսեփյան 32/6

Բանկը վերահսկվում է Կենտրոնական բանկի կողմից

ԱՃՈՒՐԴՆԵՐԻ ՄԱՍԻՆ ԾԱՆՈՒՑՈՒՄ

Դիտել

ՄԵՐ ՄԱՍԻՆ

Մեր պատմությունը
Մեր առաքելությունը և արժեքները
Բաժնետերեր
Ղեկավարներ
Վարչակազմակերպական կառուցվածք
Կանոնադրություն
Հաշվետվություններ
Մասնաճյուղեր
Գործարար վարվելակերպի կանոններ և էթիկա

ՕԳՏԱԿԱՐ ՏԵՂԵԿԱՏՎՈՒԹՅՈՒՆ

Հաճախորդի իրավունքներ
Իրավական ակտեր
Հաճախ տրվող հարցեր
Աշխատանք
Հայտարարություններ
Վաճառվող գույք
Հավելվածի գաղտնիության քաղաքականություն
Վարկային պատմություն և վարկային սքոր

Գաղտնիության քաղաքականություն

ՀԵՏԱԴԱՐՁ ԿԱՊ

Էլ. հասցե: [email protected]

Հասցե։ 0047, ՀՀ, ք. Երևան, Նորք-Մարաշ, Գ. Հովսեփյան 32/6

Հեռ: (+374 10) 510 000

Whatsapp: (+374 55) 510 004

Viber։ (+374 43) 510 003

Telegram: (+374 43) 510 003

ՈՒՇԱԴՐՈՒԹՅՈՒՆ. Հարգելի՛ այցելու, Բանկը պատասխանատվություն չի կրում իր կայքում հղումներով նշված այլ կայքերի բովանդակության ստույգության եւ արժանահավատության, այնտեղ տեղադրված գովազդների համար, ինչպես նաև այդ կայքերում տեղադրված տեղեկատվության օգտագործման հնարավոր հետևանքների համար: Տեղեկատվության հայերեն, ռուսերեն եւ անգլերեն տարբերակների միջև անհամապատասխանության առկայության դեպքում առաջնայնությունը տրվում է հայերեն տարբերակին: