Ֆասթ Բանկի կանոնադրական կապիտալը համալրվել է 10 մլրդ ՀՀ դրամով: Համալրման վերաբերյալ որոշումն ընդունվել է 2024 թվականի մայիսի 21-ի Բանկի բաժնետերերի ընդհանուր ժողովի ժամանակ։
Կապիտալի համալրումն իրականացվել է Բանկի բաժնետերերի՝ Վահե և Վիգեն Բադալյանների կողմից, և պահպանվել է բաժնեմասերի հավասարաչափ հարաբերակցությունը։
Համալրման արդյունքում Ֆասթ Բանկի կանոնադրական կապիտալը այժմ կազմում է ավելի քան 40 մլրդ ՀՀ դրամ, իսկ ընդհանուր կապիտալը՝ ավելի քան 66 մլրդ ՀՀ դրամ:
Կանոնադրական կապիտալի համալրումը նպաստելու է Ֆասթ Բանկի դինամիկ աճին, նորագույն տեխնոլոգիաներում ներդրումների կատարմանը և սպասարկման որակի բարելավմանը: